MAMÁ SE VA A LA GUERRA: DÍA INTERNACIONAL DO CANCRO DE MAMA III

Este é un conto nacido dende o corazón e do amor, que con tenrura e sentido do humor achegará luz a moitas persoas.

Érase unha vez un reino gobernado por unha raíña querida e respetada, que recibe a terrible noticia de que o seu territorio foi invadido. Ela é unha muller valente e decidida, á que nada asusta, polo que estará disposta a afrontar esta loita con tesón. Haberá que pelexar duro, gañar moitas batallas, pero ela non está soa, conta con dous príncipes dispostos a defendela de calquera perigo e o mellor equipo de aliados.

Esta conmovedora metáfora sobre a enfermidade do cancro, foi fraguada por Irene Aparici para explicarlles aos seus fillos de 10 e 12 anos que remataban de dignosticarlle cancro de mama, preparándoos para o que lle quedaba por pasar sen asustarlles. Conta Irene que o que se vive no conto é unha representación do que a súa familia vive, e que o día que reuniu a súa familia, os seus fillos e o seu exmarido, para darlles a noticia, utilizou a súa mellor arma, a "confianza e á palabra", utilizando unha linguaxe que puidesen comprender e que lles proporcionase seguridade. "Eu son partidaria de non lles mentir, e así acordámolo a miña ex parella e eu dende o principio. Intentamos modular a verdade ao seu nivel para que fose comprensible para eles; pero sen mentirlles"

Mamá se va a la guerra saíu á luz por un cúmulo de casualidades e grazas ao exército de amigos que ten Irene, cos que mantén unha comunicación fluída a través do seu blog persoal Efecto Luminoso.

Un conto cheo de valentía, solidariedade, pero sobre todo, de esperanza. Está editado por Cuento de Luz

De interés:

Entrevista "Mamá se va a la guerra contra el cáncer" ABC.es

Artículo "Érase una vez una reina que luchaba contra el cáncer" El Mundo Salud

Institucións Relacionadas:

Asociación Española contra o Cancro

Enlaces e Asociacións de Cáncer de Mama

Moi Interesante: 

Sete Relatos sobre Cáncro de Mama. Material Interactivo da AECC

   Irene Aparici transformou a súa dura realidade en enerxía positiva. A ela e a todas as mulleres valentes que afrontan esta dura enfermidade, dedicamoslles esta preciosa canción.

TIEMPO PARA MÁS CUENTOS: DÍA INTERNACIONAL DO CANCRO DE MAMA II

Tiempo para más Cuentos nárranos un episodio importante na vida de dúas irmás, Manuela e Valentina. A súa vida transcorre con normalidade, xogan, van ao cole, son felices cos seus pais.

Cando finaliza a xornada diaria, encántalles que a súa nai lles lea contos, a pesar de que esta non dispón de moito tempo a causa das obrigas diarias. E mentres o desfroitan, encántalles acariciar o seu precioso pelo.

A súa nai ten unha longa melena loura que é admirada por todo o mundo, polas súas fillas, as súas amigas, o seu home. Pero un día, a vida de Manuela e Valentina cambia. A súa nai ponse enferma e deben trasladarse a vivir á casa dos seus tíos. Alí non hai contos para ler, nin a súa nai está para que llos lea, posto que debe pasar unha tempada no hospital para recuperarse e o seu pai coidará dela.

Ao cabo dun tempo, a súa nai regresa á casa, xa saíu do hospital. E aínda que se sorprenden ao vela máis delgada e sen a súa longa melena loura, se decatan de que segue sendo a súa nai. Unha aperta devólvelles o seu olor a primaveira.

E o máis importante, que ata que lle creza a melena, gañaron algo que sempre desexaron: ter tempo para máis contos.

O conto está escrito por Cocha de la Hoz e ilustrado belamente por Pieruz. Tanto palabras coma ilustracións trasládannos a unha situación que moitos nenos e nenas están a vivir a diario. Para eles é difícil entender o proceso desta enfermidade que chega a trastornar o seu ritmo de vida habitual e lles produce incerteza ou soidade. A pesar de que non se nomea a palabra cancro ao longo do conto, adiviñámolo vendo só a portada. Título e portada non deixan dúbida sobre o punto de vista que se pretende transmitir. Pode parecer unha historia moi triste, pero en realidade trasládanos unha mensaxe de esperanza e optimismo en cada unha das súas palabras.

Tempo para máis Contos está editado pola Editorial Pintar-Pintar.

Booktrailer do Conto

EL ÁLBUM DE MAMÁ. DÍA INTERNACIONAL DO CANCRO DE MAMA

#súmatealrosa

"El álbum de mamá" é un conto infantil presentado por Novartis, que pretende converterse nunha ferramenta de axuda para as nais con cancro de mama metastásico á hora de explicar a enfermidade aos seus fillos, así como as súas consecuencias.

Trátase dunha emotiva historia protagonizada por Mateo, un neno especial que polo seu segundo aniversario recibe un regalo aínda máis especial: Veloz, un cabalo balancín, que ao longo do conto lle vai axudando a comprender todas as fases da enfermidade que padece a súa nai.

A través de Veloz, Mateo encontrará respostas á nova situación de mamá como a caída do pelo, o cansacio de mamá, a estanza no hospital.

"El álbum de mamá" conta co aval da Federación Española de Cancro de Mama (FECMA) e distribuirase en hospitais e asociacións de pacientes de toda España.

Cada nai con cancro de mama metastásico ten a súa propia historia e a súa propia percepción da enfermidade, polo que este conto lles ofrece a visión da situación a través dos ollos dun neno utilizando unha linguaxe común que facilitará a comunicación entre nai e fillo.

A continuación, podedes acceder ao conto integramente na seguinte aplicación:

VÍDEO CONTO "EL ÁLBUM DE MAMÁ"

FECMA: Manifesto Día Internacional do Cancro de Mama. 19 de outubro